ІНСТРУКЦЫЯ
па складанні каляндарна-тэматычнага плана па вучэбнай дысцыпліне
Каляндарна-тэматычны план з'яўляецца абавязковым вучэбна-плануючым дакументам выкладчыка, які дазваляе рацыянальна вызначаць месца кожнага вучэбнага занятку ў сістэме заняткаў, забяспечвае лагічную ўзаемасувязь паміж імі, а таксама адлюстроўвае комплекс вучэбна-метадычнага забеспячэння вучэбнай дысцыпліны.
Добра прадуманы і якасна складзены каляндарна-тэматычны план дапамагае выкладчыку загадзя падрыхтаваць да вучэбных заняткаў неабходныя сродкі навучання, правільна спланаваць правядзенне лабараторных і практычных заняткаў.
Наяўнасць каляндарна-тэматычнага плана дае магчымасць ажыццяўляць сістэматычны кантроль за выкананнем вучэбнай праграмы па вучэбнай дысцыпліне і раўнамернай загрузкай навучэнцаў з боку вучэбнай часткі і цыклавой (прадметнай) камісіі.
Пры складанні каляндарна-тэматычнага плана на тытульным лісце ўказваецца колькасць вучэбных гадзін, прадугледжаных вучэбным планам па вучэбнай дысцыпліне ў семестры, а ў табліцы адлюстроўваецца сапраўдная колькасць вучэбных гадзін у адпаведнасці з раскладам вучэбных заняткаў.
Запаўненне граф 2 і 3 ажыццяўляецца пасля структурнага аналізу зместу вучэбнай праграмы па вучэбнай дысцыпліне. У гэтыхграфахнеабходнапрадугледзіць правядзеннеабавязковыхкантрольных работ, практычных, лабараторныхзаняткаў (работ) і інш. У графе 2 паслядоўна запісваюцца назвыраздзелаў, назвытэмвучэбнайпраграмы, асобныхвучэбныхзаняткаў.
У графе 4 указваецца тып заняткаў згодна з існуючымі класіфікацыямі (па выбары выкладчыка).
Графа 5 павінна змяшчаць абавязковы мінімум сродкаў навучання, якія неабходна выкарыстоўваць на канкрэтных вучэбных занятках (па выбары выкладчыка).
У графе 6 вызначаецца змест і аб’ём матэрыялаў для самастойнай работы навучэнцаў і для паўтарэння.
Каляндарна-тэматычны план складаецца выкладчыкам вучэбнай дысцыпліны на семестр або навучальны год (у залежнасці ад пачатку і працягласці навучання вучэбнай дысцыпліне), але не пазней 30 жніўня (да пачатку асенне-зімовага семестра) і не пазней за 10 дзён да пачатку вясенняга семестра, з якога пачынаецца абучэнне вучэбнай дысцыпліне, разглядаецца цыклавой (прадметнай) камісіяй і зацвярджаецца намеснікам кіраўніка па вучэбнай рабоце.
Калі працягласць навучання вучэбнай дысцыпліне больш аднаго навучальнага года, каляндарна-тэматычны план складаецца на ўвесь аб'ём вучэбных гадзін, адведзенных вучэбным планам на вучэбную дысцыпліну.
Усе карэктывы, якія неабходна ўнесці ў дзеючы каляндарна-тэматычны план (з улікам дасягненняў навукі, тэхнікі, тэхналогіі і інш.), павінны быць абмеркаваны цыклавой (прадметнай) камісіяй, зацверджаны намеснікам кіраўніка па вучэбнай рабоце і пазначаны ў графе 7.
Калі няма змяненняў у навучальным плане, вучэбнай праграме па вучэбнай дысцыпліне, можна карыстацца каляндарна-тэматычным планам на працягу 3-х гадоў.