Філіял "Маладзечанскі дзяржаўны політэхнічны каледж"
установы адукацыі "Рэспубліканскі інстытут прафесійнай адукацыі"
У каледжы працуюць 83 штатныя выкладчыкі, у тым ліку 1 магістр педагагічных навук, 1 магістр тэхнічных навук, 2 бакалаўра тэхнічных навук, выкладчыкаў вышэйшай катэгорыі - 25, першай катэгорыі - 30, майстры вытворчага навучання - 5, выхавальнікаў інтэрната - 4. Нашаму калектыву ўласцівыя наватарства, творчасць, практычная ацэнка дасягнутага, уменне бачыць перспектыву, з улікам якой ставяцца і вырашаюцца новыя задачы. А гэта - галоўная ўмова для руху наперад!
За гады існавання наша навучальная ўстанова выпусціла больш за 35 тысяч кваліфікаваных спецыялістаў. Выпускнікі працуюць у самых розных галінах народнай гаспадаркі, харчовай прамысловасці, праектных і канструктарскіх арганізацыях, навучальных установах і г.д. Нашы выпускнікі - наш гонар!
У 2020 годзе нашаму каледжу споўнілася 60 год. Для ўстановы адукацыі гэта ганаровы ўзрост, узрост, калі склаліся добрыя традыцыі і дасягнуты пэўныя вынікі. У каледжы ставяць перад сабой высокія задачы па падрыхтоўцы моладзі да працоўнага і грамадскага жыцця, закладваюць і працягваюць развіваць найлепшыя традыцыі навучальнай установы. У нас вучацца дынастыі жыхароў рэгіёна і, што таксама вельмі прыемна, працуюць выкладчыкамі, майстрамі вытворчага навучання, лабарантамі многія выпускнікі каледжа.
